Блог

Хүн төрөлхтний түүхийн сүүлийн хагас зуун жилд компьютер, мэдээллийн технологийн хөгжилд гарсан үсрэнгүй дэвшилтэт технологуудын дунд интернет нь хүн төрөлхтний харилцаа холбоо, мэдээллийн хэрэгсэл болж чадсан төдийгүй хэн бүхний өмнө шинэ орон зай, шинэ ертөнцийг нээж өгч чадсаны нэгэн илрэл нь чөлөөт цагаараа блог хөтөлж, өөрийн дотоод ертөнцийг нээж чадсан хүмүүс нэлээдгүй олон болсон явдал билээ.

Блог хөтлөх нь хэний ч хараат бус, хүмүүс өөрсдийн ухамсраараа асар том эрх чөлоог эдлэх боломж, хувийн өмч гэж ойлгож болохоор юм.

Эхлэл

Нэлээд хэдэн жилийн өмнөөс мэдээллийн технологийн мэргэжлийг сонирхож эхэлснээс хойш Эрдэнэ бат багш, Хишгээ ах гээд энэ салбарын мэргэжилтнүүдийн блогоор байнга зочлох болж, өөртөө ч бас нэг блогтой болохоор шийдсэн юм.
Харин энэ жилээс КТМС-д Програм хангамжийн чиглэлээр суралцаж эхэлж байгаа ба энэ чиглэлээр хамт суралцаж байгаа найзуудтайгаа өөрийн үзэж судалсан жаахан зүйлсээ хуваалцмаар санагдлаа.